Federata e Sindikatave të Shëndetësisë së Kosovës

Fillimi Lajme dhe ngjarje


Takimi me KOR-in Suedez

Prishtinë, 30.03.2011 – Kryetari dhe Nënkryetari i FSSHK-së, kanë takuar përfaqësues të KFOR-it, të cilët me rastin ndërimeve të regjimentit të ushtrisë suedeze kanë bërë një vizitë në hapësiart e zyrës qëndrore të FSSHK-së. Me këtë rast, pranuesit e rinj të misionit të tyre në Kosovë kanë shprehur interesim të veçantë mbi organizimin sindikal në sektorin e shëndetësisë, e ku në veçanti janë interesuar mbi të ariturat e Federatës. Dr. Blerim Syla dhe z. Blerim Delija kanë bërë një prezentim mbi aktivitet e Federatës, ku kanë paraqitur gjithashtu edhe objektivat e FSSHK-së për vitin 2011. Përfaqësuesit e KFOR-it kanë premtuar se do të vazhdojnë bashkpunimin me FSSHK-në dhe se do të jenë në vigjilencë për të përcjellë ecurit në aspektin e sektrit shëndetësor.

 

Takimi në Kaqanik

Kaqanik, 31.03.2011 - Delegacioni i FSSHK-së, në përbërje prej: Nënkryetarit të FSSHK-së – z. Blerim Delija, Kryetari i Këshillit Drejtues – Dr. Jahir Lajqi, Përfaqësuesja e Regjionit të Ferizajt – znj. Tevide Imeri dhe Zyrtari Ligjor – Armend Shkoza, kanë zhvilluar takime negociuese mbi rastin e z. Nazif Rekës – Kryetarit të Sindikatës së QMF-Kaqanik. Me këtë rast, delegacioni ka zhvilluar takime me drejtorin e QKMF-Kaqanikut dhe drejtorin komunal për shëndetësi dhe mirëqenie sociale. Me zhvillimin e këtyre takimeve, është bërë vërtetimi faktik i rastit Reka-DSHMS –Kaqanik, ku për rastin në fjalë delegacioni do të përpilojë një raport të veçantë mbi zhvillimin e këtyre bisedimeve.

 

Takimi me z. Bajrush Xhemajlin, Kryetari i AKK-së

Ferizaj, 31.03.2011 - Delegacioni i FSSHK-së i përbërë nga Kryetari i FSSHK-së Dr. Blerim Syla, Nënkryetari z. Blerim Delija dhe Kryetari i Këshillit Drejtues Dr. Jahir Lajqi, kanë takuar z Bajrush Xhemajlin, kryetarin e Asociacionit të Komunave të Kosovës. Me këtë rast, delegacioni i FSSHK-së, i prirë nga Kryetari ka parashtruar një sërë probleme që rrjedhin nga kujdesi primar, e që sipas ligjeve në fuqi menaxhohet nga pushteti lokal. Krysisht diskutimi është përqëndruar në realizimin e shtesës prej 44 eurove, që në të kaluarën është vërtetuar një dis-harmoni në drejtim të realizimit të këtyre mjeteve. Kryetari i FSSHK-së shpalosi shqetësimin e punëtorëve shëndetësor lidhur me pagesën e 44 eurove, ku potencoi se duhet të gjindet një mënyrë që të sigurohet pagesa e këtyre mjeteve.

Gjithashtu, kryetari i KD-së, dr. Jahir Lajqi, dhe Nënkryetari z. Blerim Delija, potencuan se krahas asaj se nga pushteti qëndror ka ardhë konfirmimi i derdhjes së mjeteve për 44 euro për nivel komunal, këto autoritete nuk e kanë zbatuar në mënyrë të duhur buxhetin e dedikuar për nivel komunal, dhe si duket ekziston një manipulim.  Ndërsa, kryetari i AKK-së, potencoi se si titullar i këtij asociacioni nuk ka titull ekzekutiv, andaj iguroi se në kuadër të kompetencave të tij do të angazhohet që në takime me kryetarët e komunave do të kërkon që të rishikohen mënyrat më komode për pagimin e këtyre shtesave, si dhe në këtë drejtim do të informoi edhe Ministrin e Financave, . Bedri Hamzën, që të shqyrtohet në model për krijimin e mundësisë efektive për pagesën e këtyre mjeteve. Gjithashtu, Kryetari i AKK-së siguroi delegacionin e FSSHK-së se do të angazhohet maksimalisht për këtë çështje, duke marr parasysh gjendjen e vështirë të punëtorëve shëndetësor.

 

Kryetari i FSSHK-së Dr. Blerim Syla takohet me Ministrinë e Shëndetësisë, prof. dr. Ferid Agani

Prishtinë, 21.03.2011 - Kryetari i FSSHK-së, dr. Blerim Syla realizoi një takim pune me ministin e shëndetësisë, prof. dr. Ferid Aganin. Në këtë takim janë diskutuar çështjet nga sfera e gjendjes së përgjithshme të sistemit shëndetësorë në Republikën e Kosovës. Me këtë rast u theksua nevoja e forcimit të bashkëpunimit t[ë ndërsjellë në mes të dy partnerëve social, në drejtim të përforcimit të dialogut social, i cili në të kaluar ka qenë në një gjendje inekzistente.

Që të dy bashkëbiseduesit janë dakorduar që bashkëpunimi të koncentorhet me funksionalizimin e grupeve punuese, në të cilat do të marrin pjesë përfaqësues nga MSH-ja dhe FSSHK-ja. Gjithashtu në këtë takim është diskutuar edhe nisma për ndryshimin dhe rishikimin ne ligjit për shëndetësi dhe draftimin e projekt-ligjit për sigurime shëndetësore. Takimi është zhvilluar në një atmosferë mirëkuptuese dhe produktive, ku që të dy përfaqësues të këtyre institucioneve janë zotuar për përkushtimin maksimal për të reformuar sistemin shëndetësor.

 

Nis puna e grupit punues për ndryshimin dhe revidimin e ligjeve për shëndetësinë dhe sigurimet shëndetësore

Prishtinë, 24,03.2011 - Me vendim të Ministrit të Shëndetësisë është formuar grupi punues për ndryshimin dhe plotësimin e Ligjit për shëndetësi dhe revidimin e Ligjit për sigurime shëndetësore.Në këtë grup punues do të përfaqësohet edhe FSSHK-ja, e cila përfaqësohet nga kryetari dr. Blerim Syla. Takimi i parë i këtij grupi punues është mbajtur në një në hapësirat e MSH-së, ku grupi punues pas takimit të parë është zotuar që me një punë intenzive prej 6 javëve, ku pritet që të finalizohen draftet për këto dy ligje të cilat i munguan infrastrukturës ligjore të shtetit të Kosovës. FSSHK-ja përmes propozimeve të parashtruara do të jep kontribuin vetanak në draftimin e këtyre projekt-ligjeve.

 

Nënshkruhet memorandumi në mes të FSSHK-së dhe Inspektoratit të punës

Prishtinë, 18.02.2011 - Me qëllim të monitorimit sa më të efektshëm dhe krijimin e ambientit të sigurtë për respektimin e të drejtave të punëtorëve në sektorin e shëndetësisë, FSSHK-ja dhe Inspektorati i Punës kanë nënshkruar një memorandum bashkëpunimi. Ky memorandum u nënshkrua nga Kryetari i FSSHK-së dr. Blerim Syla dhe U.D. Kryeinspektorit të punës, z. Basri Ibrahimi. Më poshtë do të gjeni dokumenti origjinal të nënshkruar nga palët.

 

 

në këtë akt.

 

Komunikatë për media - 19.01.2011

Data 19.01.2011, Prishtinë

 

Komunikatë për media

 

Me rastin e zhvillimit të procedurës penale kundër zëvendës-ministrit të shëndetësisë, Nemanja Vujeviç, i cili para gjyqtarit të EULEX-it deklarohet se nuk e njeh shtetin e Kosovës, FSSHK-ja përmes këtij prononcimi publik reagon ashpër mbi këtë veprim, të cilin e konsideron si akt kundër shtetit të pavarur të Kosovës. FSSHK-ja, shfrytëzon rastin që ti përkujtojë instancat më të larta shtetërore se në çfarë gjendje gjendet shëndetësia kosovare, sidomos kur ajo udhëhiqet nga njerëzit ndaj të cilëve zhvillohen procedurat penale për keqpërdorimin e mjeteve financiare të taksapaguesve kosovar dhe donacioneve të organizmave ndërkombëtare, kurse në anën tjetër, tani edhe deklarativisht mohojnë shtetin e Kosovës.

Si rrethanë rënduese, FSSHK-ja e konsideron faktin se zvm. i shëndetësisë, Nemanja Vujeviç, ushtron detyrën e ministrit të shëndetësisë në Qeverinë e Kosovës e cila është në largim. Prandaj, në mënyrë këmbëngulëse, FSSHK-ja kërkon nga Kryeministri në largim, z. Hashim Thaçi, që sipas kompetencave kushtetuese dhe ligjore të cilat i disponon, të shkarkon urgjentisht të ashtuquajturin zvm. Nemanja Vujeviç. Me përgjegjësi morale dhe ndërgjegjshmëri, përkujtojmë Qeverinë e Republikës së Kosovës se i njëjti person, duke ushtruar detyrë ministrore nënshkruan udhëzimet administrative, në bazë të cilave përcaktohen konditat dhe bëhet drejtimi i politikave të shëndetësisë kosovare.

Kryetari i FSSHK-së – Dr. Blerim Syla

 

FSSHK-ja inicon procedurën pranë Gjykatës Kushtetuese dhe Gjykatës Komunale të Prishtinës

Prishtinë, 17 Janar 2011 - FSSHK-ja ditën e hënë, më 17 janar ka parashtruar kërkesën pranë Gjykatës Kushtetuese lidhur me mosimplementimin e drejtë të marrëveshjes së tetorit të 2008-së nga ana e komunave të Kosovës. Me këtë procedurë merret parasysh dëmtimi qi iu është bërë punëtorëve shëndetësor. Ndërsa procedura tjetër që është inicuar pranë Gjykatës Komunale të Prishtinës, ka të bëjë me mospërmbushjen e detyrimeve të Ministrisë së Shëndetësisë lidhur me kontratën kolektive dhe sabotimin e dialogut social.

 

Raporti vjetor i punës së Kryesisë së Federatës për vitin 2010

Raporti vjetor i aktivitetit sindikal - 2010

Dhjetor, 30 2010

Me qëllim të promovimit dhe jetësimit të transparencës së brendshme dhe atë të jashtme, si dhe shpalosjes objektive të aktivitetit sindikal, zyra qendrore e FSSHK-së përpilon këtë dokument me karakter informative.

 

Për:

Kryesinë e Federatës

CC:

Këshillin mbikëqyrës të Federatës

Nga:

Kryetari I Federatës – Dr. Blerim Syla

Nënkryetari i I-rë I Federatës – Z. Blerim Delija

Nënkryetari i II-të I Federatës – Z. Naim Makolli

U.D. I Nënkryetarit të Federatës – Dr. Xhemajl Selmani

Lënda:

Raporti mbi aktivitete sindikale për  vitin 2010 (prill – dhjetor 2010)

 

 

 

 

 

 

 

 

 

 

Duke u mbështetur në detyrimet që rrjedhin nga Statuti i FSSHK-së mbi  kompetencat e titullarëve të lartë të Federatës, e paraqesim këtë raport mbi aktivitetin sindikal për vitin 2010, gjegjësisht periudhën nga muaji prill deri në muajin dhjetor / 2010. Në aspektin e politikave sindikale, në pozita përkatëse, duke u përpjekur që t’i përgjigjemi gjendjes momentale në teren kemi zhvilluar një sërë aktivitetesh.

Andaj, me qëllim të detajizimit të aktiviteteve të realizuara  për këtë periudhë paraqesim të dhënat mbi këto aktivitete  për vitin 2010.

Që nga data 1 prill 2010 janë zhvilluar këto aktivitete sindikale dhe teknike:


Më shumë...
 

Punëtorët e QKMF-së Skenderaj, protestojnë

Skenderaj, 28.12.2010 - Punëtorët shëndetësor të QKMF-së së Skenderajt, në shenjë të pakënaqësisë kanë mbajtur protestë një orëshe në hapësirat e objektit të QKMF-së. Punëtorët shëndetësor shprehën pakënaqësinë e tyre për mospagimin e shtesës në pagë prej 44 eurove, për muajin nëntor dhe dhjetor të vitit 2010. Me përkrahjen e plotë dhe organzimin e Sindikatës së QMF-Skenderaj, është mundësuar zhvillimi i dialogimit në mes të kryesisë së Sindikatës dhe autoriteteve komunale. Pas bisedimeve të zhvilluara, përfaqësuesit sindikal kanë marr premtimin se deri më datën 30 dhjetor, do të bëhet pagesa e shtesave të mbetura për vitin 2010. Bashkim Meha, Kryetar i Sinidkatës së QMF-Skenderaj, ka informuar zyrën qendrore të FSSHK-së, se në rast se premtimi i dhënë nuk do të realizohet, punëtorët shëndetësor do të futën në grevë menjëherë pas festave të fundvitit, konkretisht me datën 5 janar 2011. Me këtë rast, Federata përkrah në mënyrë të fuqishme aktivitetin sindikal të ndërmarr nga Sindikata e QMF-Skenderaj, dhe inkurajon punëtorët shëndetsor të kësaj komune duke i përkragur kërkesat e tyre legjitime.

 

Pamjet nga zonat e vërshuara dhe ekipit solidar të FSSHK-së në Shqipërisë

Shkodër, 10 dhjetor 2010 - Me rastin e vizitës së Kryetarit të FSSHK-së, dr. Blerim Syla dhe Nënkryetarit të FSSHK-së, z. Blerim Delija, në zonat e vërshuara në veri të Shqipërisë, kemi realizuar disa pamje nga zonat e prekura dhe ekipin mjekësor të dërguar sipas iniciativës së Federatës.

Më shumë...
 

Kryetari i FSSHK-së viziton zonën e Shkodrës

Prishtinë, 09.dhjetor.2010 - Me ftesën e shtabit të Forcave të Armatosura të Republikës së Shqipërisë dhe prefektit të Bashkisë së Shkodrës, z. Maxhid Cungu, Kryetari i FSSHK-së, dr. Blerim Syla, dhe Nënkryetari i FSSHK-së, z. Blerim Delija, ditën e premtë (10.12.2010) do të vizitojnë zonën e Shkodrës e cila është prekur nga vërshimet e fundit në veri të vendit. Me këtë rast ata do ti vizitojnë ekipet mjekësore të cilat janë dërguar nën organizimin e FSSHK-së dhe FSK-së dhe njëkohësisht do të vizitojnë terenin e prekur nga këto vërshime. Kryetari dhe Nënkryetari i FSSHK-së gjithashtu do të konstatojnë gjendjen faktike në teren, duke shqyrtuar nevojën për dërgimin ekipeve të shtuara mjekësore apo edhe rifreskimin e tri ambulancave të cilat gjenden të dislokuara në kazermën e qytetit të Shkodrës.

 

Komunikatë për medie - 07 dhjetor 2010

Data 07.12.2010, Prishtinë

 

Komunikatë për medie

 

Me iniciativën e Kryetarit të Federatës së Sindikatave të Shëndetësisë së Kosovës (FSSHK), dr. Blerim Syla, punëtorët shëndetësorë, të cilët janë njëherit edhe anëtarë të FSSHK-së, do ti bashkëngjiten Forcave të Sigurisë së Kosovës (FSK) për ti dalë në ndihmë vëllezërve dhe motrave nga Republika e Shqipërisë, të cilët kanë pësuar nga vërshimet e fundit në veri të vendit. Ekipet mjekësore, të organizuara nga FSSHK-ja, do të nisen sot (07.12.2010) së bashku me pjesëtarët e FSK-së për ti ofruar shërbime mjekësore të prekurve nga kjo katastrofë natyrore. Kjo iniciativë u materializua pas takimeve zyrtare, që u zhvilluan në mes të FSSHK-së dhe Ministrisë së FSK-së. FSSHK-ja shfrytëzon rastin që ti falënderoj punëtorët shëndetësor dhe anëtarët e saj, të cilët dëshmojnë humanizmin dhe ndërgjegjshmërinë ndaj popullit të Shqipërisë, i cili hapi dyert për popullin e Kosovës në kohërat më të vështira. Gjithashtu, FSSHK-ja falënderon Ministrinë e FSK-së, e cila mundësoj që përmes bashkëpunimit të ndërsjellë të bënë të mundshëm këtë projekt të FSSHK-së.

 

 

Kryetari I FSSHK-së – Dr. Blerim Syla

 

FSSHK ofron ndihmë solidare për vërshimet e fundit në Shqipëri

Prishtinë, 03.12.2010 - Nën patronatin e Kryetarit të FSSHK-së, dr. Blerim Sylës, në mënyrë zyrtare iu është dërguar shkresa për ndihmë solidare për popullin e Republikës së Shqipërisë, të prekur nga vërshimet e fundit në veri të vendit. Me këtë shkresë, FSSHK-ja iu është drejtuar Minsitrisë së Forcës së Sigurisë së Kosovës, si dhe Ministrisë së Mbrojtjes së Republikës së Shqipërisë, për ofrimin e stafit të mesëm dhe atij të lartë mjekësor, me qëllim të zbutjes së katastrofës të shkaktuar nga vërshimet e fundit. Më poshtë e bashkangjesim shkresën në formë të dërguar pranë këtyre insititucioneve.

Për: Sekretarin e Përgjithshëm të Ministrisë së Forcës të Sigurisë së Kosovës, z. Shkëlzen Syla

CC: Ministrinë e Mbrojtjes të Republikës së Shqipërisë

Nga: Federata e Sindikatave të Shëndetësisë së Kosovës (FSSHK), Kryetari  dr. Blerim Syla

Lënda: Ofrim i ndihmës solidare

 

Federata e Sindikatave të Shëndetësisë së Kosovës (FSSHK), si subjekt i pavarur, i bazuar në parime solidare, shprehë gatishmërinë për ofrimin e ndihmës profesionale të stafit të mesëm dhe atij të lartë mjekësor, për qytetarët e Republikës së Shqipërisë të cilët janë goditur nga fatkeqësia natyrore. Me iniciativën e Kryetarit të FSSHK-së, dr. Blerim Syla, dhe pas takimit zyrtar me Sekretarin e Përgjithshëm pranë Ministrisë së FSK-së, z. Shkëlzen Syla, FSSHK-ja në drejtim të zbatimit të normave statutare mbi ndërmarrjen e masave dhe aksioneve për interes të përgjithshëm kombëtar, do të mobilizojë të gjitha kapacitete që ka në dispozicion. Konsiderojmë se për subjektin tonë do të jetë nderë e veçantë kryerja e këtij obligimi kombëtar dhe moral. Shpresojmë se Ju si autoritet shtetëror, do të llogaritni në ndihmën tonë.

 

Sinqerisht,

 

Prishtinë, 03.12.2010

Kryetari i FSSHK-së

Dr. Blerim Syla

 

FSSHK shpalosë Platformën e veprimit sindikal

Prishtinë, 01.12.2010 - Pas mbledhjës së Kryesisë së FSSHK-së, e cila u mblodh me qëllim të analizimit të gjendjes së punëtorëve shëndetësor në pragë të periudhës parazgjedhore, nën patronatin e Kryetarit të FSSHK-së u mbajt një konferencë për medie. Në këtë konferencë Federata përmes prononcimit të Kryetarit të FSSHK-së, dr. Blerim Sylës, shpalosi qëndrimin e vet kundrejtë periudhës parazgjedhore në të cilën gjendet Kosova. Kryetari i Federatës, në këtë konferencë deklaroi se Kryesia e FSSHK-së në mbledhjen e mbajtur me 1 Dhjetor, ka ardhë në përfundim se pozita e punëtorëve shëndetësor është e rëndë dhe kaotike. Kryetari deklaroi se pas analizës së përgjithshme që e bëri Kryesia e Federatës, ka nxjerë konkluzionin se FSSHK-ja nuk do të paragjykojë asnjë rezultat zgjedhorë dhe se pas përfundimit të procesit zgjedhor dhe konstituimit të Parlamentit dhe Qeverisë së ardhshme, do të proklamon kërkesat e veta dhe në periudhën gjashtëmujore do të kërkohet implementimi urgjent i këtyre kërkesave. Kërkesat të cilat i shpalosi Kryetari janë në drejtim të përmirësimit të mirëqenies sociale të të gjithë punëtorëve shëndetësor, aprovimi i lilgjeve që konsiderohen si urgjent për administirmin e sektorit shëndetësor dhe personelit në këtë sektor dhe mënjanimi i defunksionalitetit të institucioneve shëndetësore.

Në rast se këto kërkesa nuk do të realizohen në gjashtë mujorin e parë të periudhës post zgjedhore, FSSHK-ja do të ndërmerr të gjitha masat sindikale në drejtim të realizimit të këtyre kërkesave. Këto kërkesa bazohen në Platfomën e veprimit sindikal, e cila paraqet kornizën dhe boshtin e veprimit të Federatës. Me këtë rast, gazetarëve iu shpërnda nga një ekzemplar i Platformës, me qëllim të shpalosjes së kornizës të veprimit sindikal të FSSHK-së.

 

FSSHK uron 28 Nëntorin

Federata e Sindikatave të Shëndetësisë së Kosovës (FSSHK), nën patronatin e Kryetarit të FSSHK-së, dr. Blerim Syla, Kryesisë së Federatës dhe stafit profesional, në emër të FSSHK-së Ju urojnë Festën e 28 Nëntorit, Ditën e Flamurit Kombëtar, të gjithë liderëve sindikal të Federatës, anëtarëve të saj, mbar popullilt të Republikës së Kosovës.dhe të gjithë shqiptarëve kudo që gjinden. Shpresojmë se 99-të vjetorin e ardhshëm ta presim në begati dhe mirëqenie, duke shpresuar në të ardhme me prosperitet dhe sukses.

 

Me respekt,

Kryetari i FSSHK-së - Dr. Blerim Syla

 

Komunikatë për medie - 26 Nëntor 2010

Data 26.11.2010, Prishtinë

 

Komunikatë për media

 

Në bazë të ndërgjegjes së solidaritetit sindikal si dhe natyrshmërisë së procesit të punës së punonjësve të Departamentit të Mjekësisë Ligjore (DML) pranë Ministrisë së Drejtësisë, Federata e Sindikatave të Shëndetësisë së Kosovës mbështet fuqishëm kërkesat e punëtorëve të këtij institucioni, duke i konsideruar si të drejta dhe legjitime. Me këtë rast FSSHK-ja, edhe njëherë shpreh indinjatë të thellë për shkak të neglizhencës dhe pakujdesisë të personave të autorizuar pranë kësaj ministrie, të cilët për shkak të matrapazllëkut të tyre krijojnë rrethana diskriminuese brenda institucionit përkatës.

Andaj, duke u mbështet në faktin se në buxhetin e Ministrisë së Drejtësisë janë të përfshira mjetet financiare për ngritjen e pagave prej 30% për punëtorët të DML-së dhe në bazë të faktit se 22 nga 47 punëtorë të këtij institucioni gëzojnë ngritjen prej 30%, fuqishëm mbështesim 25 punëtorët të DML-së të cilëve nuk iu kompensohet ngritja e pagave prej 30% nga 01.01.2010. Andaj duke marr parasysh profilin profesional të këtyre profesionistëve të mjekësisë ligjore, FSSHK-ja fuqishëm e mbështet aksionin e ndërmarrë nga këta punëtorë.

 

Kryetari I FSSHK-së – Dr. Blerim Syla

 

Komunikatë për medie - 19.11.2010

Data 19.11.2010, Prishtinë

Komunikatë për media

 

Sot, me datë 19 Nëntor 2010, Kryetari i FSSHK-së, dr. Blerim Syla, së bashku me Nënkryetarin e FSSHK-së, z. Blerim Delija dhe  Kryetarin e Këshillit Drejtues të FSSHK-së, dr. Jahir Lajqi, me qëllim të përkrahjes së plotë të punëtorëve shëndetësor të QKMF-Mitrovicë, iu janë bashkangjitur protestës në përkrahje të kolegut Dr. Veton Pllana, i cili ditë më parë është sulmuar fizikisht nga përcjellësit e pacientit. Me këtë veprim të strukturës më të lartë të FSSHK-së, edhe një herë vërtetohet angazhimi dhe përpjekja e organizimit sindikal në sektorin e shëndetësisë, që t’iu dalë në krahë të gjithë punëtorëve shëndetësor pa marr parasysh se a janë anëtar të FSSHK-së apo jo. Në këtë drejtim, udhëheqësit e lartë të FSSHK-së konfirmojnë vendosshmërinë për të parandaluar veprimet barbare të personave të pandërgjegjshëm, të cilët cenojnë integritetin personal dhe fizik të punëtorëve shëndetësor.

FSSHK-ja, edhe një herë apelon tek organet kompetente, që të ushtrojnë pushtetin e tyre të garantuar me Kushtetutë dhe Ligj, në mënyrë që personat që ndërmarrin këto veprime, të sillen para drejtësisë dhe tu shqiptohet dënimi meritor

Kryetari I FSSHK-së – Dr. Blerim Syla

 

Komunikatë për medie - 18.11.2010

Data 18.11.2010, Prishtinë

 

Komunikatë për media

 

Federata e Sindikatave të Shëndetësisë së Kosovës (FSSHK), duke përsëritur tash e disa herë apelin për marrjen masave preventive për ndaljen e dhunës ndaj punëtorëve shëndetësor në vendin e punës, edhe një herë dënon ashpër sulmin ndaj punëtorit shëndetësor, Dr. Veton Pllana, pranë QKMF-Mitrovicë. Duke i përkrahur fuqishëm punëtorët shëndetësor të këtij institucioni, të cilët nuk hezituan të protestojnë në përkrahje të kolegut të tyre, FSSHK-ja shpreh zhgënjimin për dhunën fizike të shprehur ndaj punëtorëve shëndetësor, që ka tiparet klasike të një barbarizmi mesjetar. Edhe njëherë, me përgjegjësi të plotë si organizatë e cila përfaqëson punëtorët shëndetësor në mbarë territorin e Republikës së Kosovës, kërkojmë nga organet kompetente që urgjentisht ti ndërmarrin të gjitha hapat dhe masat e nevojshme për krijimin e sigurisë në vendin e punës për të gjithë personelin e sektorit shëndetësor. Njëherit FSSHK-ja i jep përkrahje të plotë Sindikatës së Shëndetësisë pranë QMF-ve Mitrovicë lidhur me vendimin e organizimit të protestës tre-ditore nga kjo Sindikatë.

Shpresojmë ky rast do të paraqet kapitullin përmbyllës të terrorizimit të njerëzve të cilët japin mundin për të shpëtuar jetë.

Kryetari I FSSHK-së – Dr. Blerim Syla

 

Urimi i FSSHK-së me rastin e festës së Kurban Bajramit

Të nderuar lider të sindikatave, anëtarë dhe qytetar,

 

Federata e Sindikatave të Shëndetësisë së Kosovës (FSSHK), nën patronatin e Kryetarit të FSSHK-së, dr. Blerim Syla, Kryesisë së Federatës dhe stafit profesional, në emër të FSSHK-së Ju urojnë Festën e Kurban Bajramit të gjithë liderëve sindikal të Federatës, anëtarëve të saj, si dhe mbar popullilt të Republikës së Kosovës. Me këtë rast, FSSHK-ja ju dëshiron shëndet, paqe dhe mirëqenie në familjet e Juaja dhe shoqërisë Tuaj. Shpresojmë, se çdo festë do të na sjellë begati dhe unifikim në arritjen e qëllimeve Tona të përbashkëta.

15.11.2010, Prishtinë

Me respekt,

Kryetari i FSSHK-së - dr. Blerim Syla

 


Page 4 of 6

Statuti i FSSHK-së